ޅެން

• ފުރިފައިވަނީ ހިތްތަކުއޭ، ބަޠަލުންގެފޮނި ހަނދާންތަކޭ

ކުރިހިތްވަރެއް ބަދަލެއްނުވޭ، ނިމިގެންދިޔާ ޒަމާންތަކޭ

• ބަޠަލުންގެތެރޭން ހުސެން އާދަމް، ވި ޤުރުބާނި މި ލެޔަށްޓަކާ

ފެނިގެންދިޔާ ޝަހީދުވިތަން، ފަޚުރުވެރިވާ ޤައުމަށްޓަކާ

• ހިމާޔާތްކޮށް ސަލާމަތްކޮށް، ދިފާޢުކުރަން މިނިވަންކަމޭ

ދިމާލަށްއައި ވަޒަންތައްވެސް، ދިފާޢުކުރީ އެހަށިގަނޑުނޭ

• ކަށިންނެގުނީ ހިތްވަރުތަކޭ، ބޮންތައްނުފެނި އުދުހެމުންދާ

މަށިންފެނުނީ ލެޔޭއޮހޮރޭ، ހުވަފެނެއްހެން ކުރެހެމުންދާ

• ހިތަކުންނުދޭ ފިލައިގެންނެއް، ވިޤުރުބާނީ ވަޒަންނުވެމޭ

ކިތަންމެ ދުރަށް ރަނުން ފެވިޔަސް، ޝަރަފުވެރިންގެ އަގެއްނުމެވޭ

• ދަރިންނޭބަލަ ހަނދާންކުރޭ، މި ދިވެހި ބިމުގެ ބަޠަލުންތަކޭ

ދަރިންނޭބަލަ މިނިވަންކަމާ ފުށުއެރިނުދިން ޝަރަފުންތަކޭ